Follow
Rwaka Claude yeguye ku mirimo yo gutoza Rayon Sports y'abagore kubera kumara igihe kirekire adahembwa.
Uyu mutoza, wari umaze umwaka umwe n'igice ari umutoza mukuru wa Rayon Sports y'abagore, yahamirije B&B Kigali ko yasezeye burundu kuri iyi kipe, yambara ubururu n'umweru.
Rwaka yavuze ko yasezeye kubera ibibazo bifitanye isano n'imishahara yaraberewemo n'ikipe. Ni mu gihe n'abandi batoza bari bungirije Rwaka na bo basezeye kubera kudahembwa.
Bivugwa ko abatoza ba Rayon Sports y'abagore bari bamaze amezi atatu badahembwa.
Rwaka yabwiye B&B Kigali ko byanagorana kugaruka muri Rayon Sports y'abagore .
Ati " Byagorana kugaruka. Byasaba ibiganiro birebire."
Rwaka yagizwe umutoza mukuru wa Rayon Sports y'abagore muri Kanama 2023, nyuma y'igihe kinini ari umutoza wungirije muri Rayon Sports y'abagabo.
Aba batoza ba Rayon Sports y'abagore beguye mu gihe iyi kipe iri kwitegura umukino wa shampiyona izakina AS Kigali kuri uyu wa Gatandatu, tariki 8 Werurwe 2025, mu Nzove.
Rayon Sports imaze iminsi ifitanye ibibazo n'abakozi bayo byerekeranye n'imishahara, dore ko no mu minsi ishize umutoza wungirije wa Rayon Sports y'abagabo, Quanane Sellami, yasezeye ku mirimo ye kubera ibibazo birimo ibirarane yari aberewemo.
APR yisanze mu itsinda B rya CECAFA Kagame Cup 2025, aho iri kumwe na NEC yo muri Uganda, Bumamuru yo mu Burundi, ndetse na ...
Umunyamabanga w’inama y’ubutegetsi ya Rayon Sports, Murenzi Abdallah, yabwiye B&B Kigali ko umushinga w’iyi kipe w’akany...
Umukandida rukumbi ku mwanya wo kuyobora Ishyirahamwe ry'umupira w'Amaguru mu Rwanda (FERWAFA), Shema Fabrice, yavuze ko icy...
Rwanda Premier League yatangaje ko shampiyona y'u Rwanda ya ruhago y'umwaka w'imikino wa 2025-26 izatangira tariki 12 Nzeri ...
APR FC yatomboye Pyramids, yegukanye irushanwa riheruka, mu ijonjora rya mbere rya CAF Champions League, nk'uko byavuye muri...