Follow
APR yageze muri 1/2 cy'Igikombe cy'Amahoro nyuma yo gusezerera Gasogi United ku giteranyo cy'igitego 1-0 mu mikino ibiri ya 1/4.
Amakipe yombi yanganyije 0-0 mu mukino wo kwishyura wa 1/4, wabereye kuri Kigali Pele Stadium mu ijoro ryo kuri uyu wa Gatatu, tariki 5 Werurwe 2025, ariko igitego kimwe APR yabonye mu mukino ubanza gituma ikomeza muri 1/2.
Nyuma y'uyu mukino, Perezida wa Gasogi United, Kakooza Nkuliza Charles, yabwiye itangazamakuru ko imisifurire mibi ari yo yatumye basezererwa na APR.
Yagize ati "Ntabwo dusezerewe na APR, dusezerewe n'umusifuzi."
Ubwo aya makipe yombi yaherukaga guhurira mu mikino yo gukuranamo mu gikombe cy'Amahoro umwaka ushize, Gasogi yasezereye APR muri 1/4 iyitsinze penaliti 4-3 nyuma y'uko banganyije 0-0 mu mukino ubanza n'uwo kwishyura.
Iyi kipe, itozwa n'umunya-Serbia Darko Novic, izahura na Police muri 1/2 cy'Igikombe cy'Amahoro.
APR, yegukanye Igikombe cy'Amahoro inshuro 13, iheruka kucyegukana mu 2017, ni mu gihe iheruka kugera ku mukino wa nyuma mu 2023, ubwo yatsindwaga na Rayon Sports 1-0.
Police, yegukanye irushanwa riheruka mu 2024, yageze muri 1/2 nyuma yo gusezerera AS Kigali muri 1/4 ku giteranyo cy'ibitego 4-3 mu mikino yombi.
Ni nyuma y'uko amakipe yombi yanganyije ibitego 2-2 mu mukino wo kwishyura wabaye ku mugoroba w'uyu munsi kuri Kigali Pele Stadium.
Indi kipe yageze muri 1/2 cy'Igikombe cy'Amahoro ni Mukura, yasezereye Amagaju kuri penaliti 3-2 nyuma y'uko amakipe yombi anganyije ibitego 2-2 mu mikino yombi.
Mukura izahura n'izava hagati ya Rayon Sports na Gorilla, ziri bukine kuri uyu wa Kane, muri 1/2.
APR yisanze mu itsinda B rya CECAFA Kagame Cup 2025, aho iri kumwe na NEC yo muri Uganda, Bumamuru yo mu Burundi, ndetse na ...
Umunyamabanga w’inama y’ubutegetsi ya Rayon Sports, Murenzi Abdallah, yabwiye B&B Kigali ko umushinga w’iyi kipe w’akany...
Umukandida rukumbi ku mwanya wo kuyobora Ishyirahamwe ry'umupira w'Amaguru mu Rwanda (FERWAFA), Shema Fabrice, yavuze ko icy...
Rwanda Premier League yatangaje ko shampiyona y'u Rwanda ya ruhago y'umwaka w'imikino wa 2025-26 izatangira tariki 12 Nzeri ...
APR FC yatomboye Pyramids, yegukanye irushanwa riheruka, mu ijonjora rya mbere rya CAF Champions League, nk'uko byavuye muri...