Ishyirahamwe ry’Umupira w’Amaguru mu Rwanda (FERWAFA) ryatangaje urutonde rw’abakinnyi 28 b'ikipe y'igihugu y'abagore bazifashishwa mu mikino ibiri yo gushaka itike y’Igikombe cya Afurika cya 2026.

Kuri ubu iyi kipe y'igihugu y'u Rwanda y'abagore nta mutoza ifite, mu gihe imikino ibiri yo gushaka itike y’Igikombe cya Afurika, ifitanye na Misiri itegerejwe tariki 21 na 25 Gashyantare 2025.

Mukandayisenga Jeanine, ukinira Yanga Princess yo muri Tanzania, ni we wenyine ukina hanze y'u Rwanda wahamagawe muri iyi kipe y'igihugu.

Uyu mukinnyi, wahoze akinira Rayon Sports y'abagore, ari kwitwara neza muri shampiyona ya Tanzania, dore ko kuri uyu wa Kabiri yafashije Yanga Princess gutsinda Alliance Girls ibitego 3-0, aho yatsinzemo ibitego bibiri.

CALL UP

Photo: Abakinnyi 28 b'ikipe y'igihugu y'abagore bahamagawe.