Follow
Inter Milan yageze ku mukino wa nyuma wa UEFA Champions League, nyuma yo gutsinda Barcelona ibitego 4-3 mu mukino wo kwishyura wa 1/2, wabereye i San Siro mu Butaliyani mu ijoro ryo ku wa 6 Gicurasi.
Iyi kipe y'i Milan yasezereye Barcelona ku giteranyo cy'ibitego 7-6 mu mikino ibiri, dore ko mu mukino ubanza amakipe yombi yari yanganyije ibitego 3-3.
Nk'uko yabigenje mu mukino ubanza, Inter Milan yatangiye iyobora umukino aho igice cya mbere cyarangiye iyoboye n'ibitego 2-0, byatsinzwe na Lautaro Martinez ndetse na Hakan Çalhanoğlu.
Barcelona yaje kwishyura ndetse inayobora umukino, ibifashijwemo na Eric Garcia, Dani Olmo, ndetse na Raphinha.
Gusa Francesco Acerbi yishyuriye Inter Milan, bituma hitabazwa iminota 30 y'inyongera (Extra Time). Davide Frattesi, winjiye mu kibuga asimbuye, yaje gufasha Inter Milan kubona intsinzi imbere y'abafana bayo ku gitego yatsindiye mu rubuga rw'amahina ku munota wa 99.
Umukino wa Inter Milan na Barcelona wabaye uwa kabiri wa 1/2 cy'iri rushanwa ubonetsemo byinshi (7-6), nyuma y'uwahuje Liverpool na Roma mu mwaka w'imikino 2017-18.
Raphinha yabaye umukinnyi wa kabiri ugize uruhare mu bitego 21 mu mwaka umwe w'imikino wa UEFA Champions League, aho yanganyije na Cristiano Ronaldo, wabikoze mu mwaka w'imikino 2013-14.
Uyu mukinnyi, ukomoka muri Brazil, yasezerewe afite ibitego 13 ndetse n'imipira umunani yavuyemo ibitego muri iri rushanwa.
Inter Milan izahura n'izava hagati ya PSG na Arsenal ku mukino wa nyuma, uzabera kuri Allianz Arena i Munich mu Budage tariki 31 Gicurasi.
APR yisanze mu itsinda B rya CECAFA Kagame Cup 2025, aho iri kumwe na NEC yo muri Uganda, Bumamuru yo mu Burundi, ndetse na ...
Umunyamabanga w’inama y’ubutegetsi ya Rayon Sports, Murenzi Abdallah, yabwiye B&B Kigali ko umushinga w’iyi kipe w’akany...
Umukandida rukumbi ku mwanya wo kuyobora Ishyirahamwe ry'umupira w'Amaguru mu Rwanda (FERWAFA), Shema Fabrice, yavuze ko icy...
Rwanda Premier League yatangaje ko shampiyona y'u Rwanda ya ruhago y'umwaka w'imikino wa 2025-26 izatangira tariki 12 Nzeri ...
APR FC yatomboye Pyramids, yegukanye irushanwa riheruka, mu ijonjora rya mbere rya CAF Champions League, nk'uko byavuye muri...