Follow
Lomami Marcel yatangiye akazi nk'umutoza mukuru wa Vision kuri uyu wa Mbere, tariki 3 Werurwe 2025, nyuma y'iminsi ibiri gusa atandukanye na Kiyovu Sports.
Uyu mutoza yasimbuye Mbarushimana Abdul, wirukanwe nyuma yo gutsindwa na Rutsiro ibitego 2-1 muri shampiyona, aho yahawe intego yo kugumisha Vision muri shampiyona y'icyiciro cya mbere.
Lomami yatandukanye na Kiyovu Sports mu mpera z'icyumweru gishize, nyuma y'uko ahagaritswe kubera umusaruro mubi, mbere y'umukino iyi kipe yatsinzemo Gorilla ibitego 3-1 ku wa 1 Werurwe 2025.
Yavuze ko yasezeye kuri Kiyovu, yari amazemo amezi abiri gusa, kubera gusuzugurwa n'ubuyobozi bw'ikipe.
Ati "Kubwira umutoza ngo ba uhagaze, uzatangire ku wa Mbere, umutoza wungirije akaba ari we ukora, harimo agasuzuguro."
Lomami, watsinzwe imikino itatu yose yatoje Kiyovu Sports irimo uwa APR, Rayon Sports, na Gasogi United, yavuze ko imikino yatsinzwe nta kipe itayitsindwa kuko yari ikomeye.
Yongeraho ko atari imikino yo gutega umutoza muri shampiyona y'u Rwanda.
Lomami yabaye umutoza wa kane utoje Vision muri shampiyona y'uyu mwaka w'imikino, aho yiyongereye kuri Calum Shaun Selby, Banamwana Camarade, na Mbarushiman Abdul, uherutse kwirukanwa nyuma y'amezi ane ayitoza.
Yasanze Vision ku mwanya wa nyuma ku rutonde rwa shampiyona, aho ifite amanota 12 gusa mu mikino 19, irushwa na Kiyovu, iri ku mwanya wa 15, amanota atatu.
Vision, yazamutse muri shampiyona y'icyiciro cya mbere muri uyu mwaka w'imikino, iri kwitegura umukino w'umunsi wa 20 wa shampiyona, izakiramo Amagaju kuri Kigali Pele Stadium ku wa 8 Werurwe 2025.
Photo: Mbarushimana Abdul yirukanwe na Vision nyuma y'amezi ane ayitoza, asimburwa na Lomami Marcel.
APR yisanze mu itsinda B rya CECAFA Kagame Cup 2025, aho iri kumwe na NEC yo muri Uganda, Bumamuru yo mu Burundi, ndetse na ...
Umunyamabanga w’inama y’ubutegetsi ya Rayon Sports, Murenzi Abdallah, yabwiye B&B Kigali ko umushinga w’iyi kipe w’akany...
Umukandida rukumbi ku mwanya wo kuyobora Ishyirahamwe ry'umupira w'Amaguru mu Rwanda (FERWAFA), Shema Fabrice, yavuze ko icy...
Rwanda Premier League yatangaje ko shampiyona y'u Rwanda ya ruhago y'umwaka w'imikino wa 2025-26 izatangira tariki 12 Nzeri ...
APR FC yatomboye Pyramids, yegukanye irushanwa riheruka, mu ijonjora rya mbere rya CAF Champions League, nk'uko byavuye muri...