Follow
Mbarushimana Abdul yagizwe umutoza mukuru wa Vision FC, asimbuye umwongereza Callum Shawn Serby uherutse gutandukana n'iyi kipe kubera umusaruro mubi.
Mbarushimana yavuze ko yasinye amasezerano y'igihe gito, aho azongererwa andi hashingiwe ku musaruro azagira mu mikino ibanza ya shampiyona isigaye.
Ati "Ni ugukora iyi mikino isigaye ibanza hanyuma tukaba ariyo duheraho dukora amasezerano arambye."
Callum Shawn Serby yatandukanye na Vision nyuma yo guhagarikwa kubera umusaruro mubi tari 25 Ukwakira 2024.
Mbarushimana asanze Vision, yazamutse mu cyiciro cya mbere muri uyu mwaka, ku mwanya ubanziriza uwa nyuma n'amanota atanu mu mikino umunani imaze gukina muri shampiyona, aho irusha Kiyovu Sports ya nyuma amanota abiri.
Umukino we wa mbere nk'umutoza wa Vision azawukina na APR FC kuri uyu wa Kane, ubwo hazaba hakinwa imikino y'umunsi wa cyenda wa shampiyona.
Mbarushimana yagaragaje ko kuba Vision imaze gukina imikino myinshi kurusha APR muri shampiyona ari intwaro yayifasha guhangana nayo.
Ati "Ni iby'agaciro gutangirira ku ikipe nziza nka APR, iteka iba ihabwa amahirwe yo gutwara shampiyona. Ntabwo byoroshye ariko si ukuvuga ko ibikomeye byose bidashoboka. Tugiye kugerageza turebe ko umusaruro waba mwiza."
Si ubwa mbere Mbarushimana atoje muri shampiyona y'icyiciro cya mbere mu Rwanda, dore ko yabaye mu makipe nka Bugesera, Rayon Sports na Etoile de l'Est. Yaherukaga gutandukana na AS Muhanga muri Kanama 2024.
Photo: Mbarushimana yahise atangira akazi muri Vision FC, aho yakoresheje imyitozo yo kuri uyu wa Kabiri.
APR yisanze mu itsinda B rya CECAFA Kagame Cup 2025, aho iri kumwe na NEC yo muri Uganda, Bumamuru yo mu Burundi, ndetse na ...
Umunyamabanga w’inama y’ubutegetsi ya Rayon Sports, Murenzi Abdallah, yabwiye B&B Kigali ko umushinga w’iyi kipe w’akany...
Umukandida rukumbi ku mwanya wo kuyobora Ishyirahamwe ry'umupira w'Amaguru mu Rwanda (FERWAFA), Shema Fabrice, yavuze ko icy...
Rwanda Premier League yatangaje ko shampiyona y'u Rwanda ya ruhago y'umwaka w'imikino wa 2025-26 izatangira tariki 12 Nzeri ...
APR FC yatomboye Pyramids, yegukanye irushanwa riheruka, mu ijonjora rya mbere rya CAF Champions League, nk'uko byavuye muri...