Raphinha na Erling Haaland bafashije amakipe amakipe yabo kubona itsinzi ziremereye mu ijoro ryo kuri uyu wa Gatatu ubwo UEFA Champions League yakomezaga, hakinwa indi mikino y'umunsi wa gatatu,

Umunya Brazil Raphinha yatsinze ibitego bitatu mu mukino Barcelona yanyagiyemo Bayern Munich ibitego 4-1, harimo n'igitego cya Robert Lewandowski, kuri Lluís Companys Olympic Stadium.

Maze urugendo rw'imikino 41 Bayern yari imaze idatsindwa mu matsinda ya Champions League rushyirwaho akadomo.

Ibitego Raphinha yatsinze ku munota wa mbere, uwa 45 ndetse n'uwa 56 byatumye aba umukinnyi wa kane utsinze Bayern ibitego 3 (hat-trick) muri iri rushanwa, dore ko byari byarakozwe na Cristiano Ronaldo mu 2017, Sergio Agüero mu 2014 na Roy Makaay mu 2002.

Uyu mukinnyi w'imyaka 27 kandi yabaye umukinnyi wa mbere utsinze Bayern igitego ku munota wa mbere. Akaba yahise yuzuza ibitego icyenda mu mikino 13 amaze gukina mu marushanwa yose muri uyu mwaka w'imikino.

Barcelona imaze imikino itatu yikurikira itsinda ibitego byibuze bine ku kibuga cyayo, mu gihe yitegura El Clásico aho izakirwa na Real Madrid muri shampiyona ya Esipanye 'La Liga' kuri uyu wa Gatandatu.

Kurundi ruhande, Haaland yatsinze ibitego bibiri mu mukino Manchetser City yanyagiyemo Sparta Praha, yo muri Czech, ibitego 5-0. Phil Foden, John Stones na Matheus Nunes nabo banyeganyeje incundura muri uyu mukino.

Haaland yahise yuzuza ibitego 44 amaze gutsinda muri Champions League, aho anganya na Didier Drogba, akarusha abarimo Neymar, watsinze 43 muri iri rushanwa.

Haaland

Lille yatsindiye Atlético Madrid, iri ku kibuga cyayo 'Metropolitano Stadium', ibitego 3-1 birimo bibiri byatsinzwe na rutahizamu Jonathan David.

Iyi kipe yo mu Bufaransa yaherukaga gutsinda Real Madrid igitego 1-0 muri iri rushanwa tariki 2 Ukwakira 2024.

Kuri ubu Aston Villa niyo iyoboye urutonde rwa Champions League, iri gukinwa mu buryo bushyashya, n'amanota icyenda. Ikaba ikurikiwe n'amakipe abiri yo mu Bwongereza ariyo Liverpool ifite amanota icyenda na Manchester City ifite amanota arindwi.

Imikino yose y'umunsi wa gatatu:

IMIKINO YA UCL Y'UMUNSI WA 3

Urutonde rw'uko amakipe akurikirana kugeza ubu:

URUTONDE RWA UCL