Ikipe y'Igihugu y'u Rwanda y'ingimbi y'abari munsi y'imyaka 18 yegukanye igikombe cy’Akarere ka Gatanu (FIBA U18 Africa Zone V) nyuma yo gutsinda Misiri amanota 62-58 i Cairo.
Mbere yo gukina uyu mukino wa nyuma, aya makipe yombi yari yarahuye mu itsinda, ubwo Misiri yatsindaga u Rwanda amanota 80-71.
Misiri kandi yari yageze ku mukino wa nyuma itaratsindwa na rimwe, aho yari yatsinze imikino itanu yose yakinnye.
Gusa ingimbi z'u Rwanda, zitozwa na Niyomugabo Sunny, zahinduye ayo mateka, zitsinda Misiri, yakiriye irushanwa.
Ni umukino waranzwe no guhangana mu duce twose, aho Sean Mwesigwa yongeye kuyobora u Rwanda, atsinda amanota menshi (16) mu mukino.
Umutoza w'u Rwanda, Niyomugabo Sunny, yabwiye B&B Kigali, iri kumwe n'ikipe y'igihugu, ati ”Nababwiye gukina batuje nta gihunga kuko bose babarusha, nyuma babigezeho, ndabashimira n'ikipe ngari yose yadufashije kwegukana iki gikombe.”
Nyuma yo kwegukana iki gikombe, u Rwanda ruzanitabira Igikombe cy’Afurika cy'abari munsi y'imyaka 18 cy’uyu mwaka, aho kizabera i Abidjan muri Cotê d’ivoire, hagati ya tariki ya 5 na 16 Kanama 2026.
Ku rundi ruhande, abakobwa bari munsi y'imyaka 18, bari bahagarariye u Rwanda mu irushanwa ry'Akarere ka Gatanu, batahanye umwanya wa gatatu.
Imikino ya kamarampaka (playoffs) ya shampiyona y’icyiciro cya mbere mu Rwanda muri basketball iratangira kuri uyu wa Gatanu...
Ikipe za REG na APR z’abagore zageze ku mukino wa nyuma wa kamarampaka muri shampiyona ya basketball nyuma yo gusezerera Kep...
REG irasabwa itsinzi imwe gusa kugira ngo yegukane igikombe cya shampiyona ya basketball mu bagore.
REG y’abagore yegukanye igikombe cya shampiyona ya basketball mu Rwanda mu bagore, nyuma yo gutsinda APR amanota 71-63 mu mu...
REG yatsinze APR amanota 82-77 kuri uyu wa Gatanu muri 1/2 cy'irushanwa ry'Akarere ka Gatanu mu gushaka itike y'Igikombe cy'...