Uganda na Tanzania, zo mu karere ka CECAFA, zisanze mu itsinda rimwe na Nigeria ndetse na Tunisia, nyuma ya tombola y'Igikombe cy'Afurika yabereye i Rabat muri Morocco ku mugoroba wo kuri uyu wa Mbere, tariki 27 Mutarama 2025.

Izi kipe z'ibihugu ziri mu itsinda C, aho zizaba zifite akazi ko guhangana na Nigeria, yegukanye Igikombe cy'Afurika inshuro eshatu ndetse yanageze ku mukino wa nyuma w'iri rushanwa riheruka, ndetse na Tunisia yaritwayeho inshuro imwe.

Igikombe cy'Afurika kigiye kuba ku nshuro ya 35, aho kuri iyi nshuro kizakirwa na Morocco hagati ya tariki 5 na 26 Nyakanga 2025.

Iri rushanwa, riruta ayandi yose ahuza ibihugu, rizitabirwa n'ibihugu 24 bigabanyije mu matsinda atandatu.

Morocco iri mu itsinda A, aho iri kumwe n'amakipe y'ibihugu nka Mali, Comoros, na Zambia.

Ni mu gihe Côte d'Ivoire, yegukanye irushanwa riheruka yari yanakiriye, yatomboye Cameroon, Gabon, na Mozambique mu itsinda F.

Misiri, yegukanye ibikombe byinshi by'Afurika (ibikombe birindwi), yatomboye Angola, Afurika y'Epfo, na Zimbabwe mu itsinda B.

Côte d'Ivoire ni yo yegukanye iri rushanwa ubwo riheruka kuba, nyuma yo gutsinda Nigeria ibitego 2-1 ku mukino wa nyuma muri Gashyantare 2024.

Amatsinda yose y'Igikombe cy'Afurika cya 2025:

Itsinda A: Morocco, Mali, Zambia, Comoros

Itsinda B: Egypt, South Africa, Angola, Zimbabwe

Itsinda C: Nigeria, Tunisia, Uganda, Tanzania

Itsinda D: Senegal, DR Congo, Benin, Botswana

Itsinda E: Algeria, Burkina Faso, Equatorial Guinea, Sudan

Itsinda F: Côte d'Ivoire, Cameroon, Gabon, Mozambique

Ivory Coast

Photo: Côte d'Ivoire ni yo yegukanye Igikombe cy'Afurika ubwo giheruka kuba muri Gashyantare 2024.