APR yatsinze Gasogi United igitego 1-0 mu mukino ubanza wa 1/4 w'Igikombe cy'Amahoro wabereye kuri Kigali Pele Stadium ku mugoroba wo kuri uyu wa Kane, tariki 27 Gashyantare 2025.

Igitego cyatsinzwe na Niyibizi Ramadan hakiri kare cyane mu mukino nicyo cyahesheje iyi kipe y'Ingabo z'u Rwanda intsinzi.

APR yinjiye mu mukino vuba ndetse ihita ibona n'igitego ku munota wa kabiri, nyuma y'umupira Niyibizi yahawe na Dauda Yussif Seidu hanze y'urubuga rw'amahina, maze uyu mukinnyi w'umunya-Rwanda ahita atera ishoti riremereye mu izamu n'akaguru k'imoso.

Gasogi United yagerageje kwishyura iki gitego ndetse iza no gutekereza ko yishyuye inshuro ebyiri mu bihe bitandukanye, ariko ibyo bitego birangwa kubera kurarira.

APR yageze muri 1/4 nyuma yo gusezerera Musanze iyitsinze ibitego 4-0 mu mukino ibiri muri 1/8 cy'Igikombe cy'Amahoro.

Ni mu gihe, Gasogi yageze muri 1/4 nyuma yo gusezerera AS Muhanga, yo muri shampiyona y'icyiciro cya kabiri, iyitsinze ibitego 3-1 mu mukino ibiri ya 1/8.

Imikino yo kwishyura ya 1/4 iteganyijwe tariki 4 na 5 Werurwe 2025.

APR v Gasogi

Photo: Denis Omedi na Niyomugabo Claude bishimiranye igitego na Niyibizi Ramadan, wahesheje APR intsinzi.