Ikipe y'igihugu y'u Rwanda ya Handball y'abari munsi y'imyaka 20 yegukanye irushanwa 'IHF Trophy Africa' ryaberaga Addis Ababa muri Ethiopia, idatsinzwe umukino n'umwe.

Izi ngimbi z'u Rwanda zabigezeho nyuma yo gutsinda Réunion ibitego 34-25, zihita zinakatisha itike yo kuzahagararira umugabane w'Afurika mu irushanwa mpuzamigabane ry'abari munsi y'iyi myaka.

U Rwanda rwatsinze imikino ine yose rwakinnye muri iri rushanwa, aho rwahereye kuri Congo Brazzaville, ruyitera mpaga kubera ko iyi kipe itagereye ku kibuga ku gihe.

Ikipe y'u Rwanda yakurikijeho Guinea, maze iyitsinda bigoranye ibitego 34-30, mu gihe yanyagiye Zimbabwe ibitego 55-23, isoza itsinda Réunion ibitego 34-25.

Bitenganyijwe ko iyi kipe izagera i Kigali ku munsi wejo, tariki 7 Ugushyingo 2024.