Ikipe y'igihugu y'u Rwanda ya Handball y'abari munsi y'imyaka 20 yatsinzwe na Police ibitego 38-37 mu mukino wa gicuti wabereye muri NPC Gymnasium kuri uyu wa Gatatu, tariki 30 Ukwakira 2024.

Ni umukino u Rwanda rwakinnye mu rwego rwo gukomeza kwitegura Irushanwa Nyafurika, IHF Trophy Africa, riteganyijwe hagati ya tariki 2 na 6 Ugushyingo 2024 i Addis Ababa muri Ethiopia.

Muri iri rushanwa u Rwanda ruzahura n'amakipe arimo Congo Brazzaville, Zimbabwe, Guinea ndetse na Reunion. Umukino warwo wa mbere ruzawukina na Congo Brazzaville tariki 2 Ugushyingo 2024.

Iyi kipe y’igihugu, itozwa na Ngarambe François Xavier, iheruka kwegukana igikombe cy’Akarere ka 5 itsinze Uganda ku mukino wa nyuma ibitego 26-25 muri Gicurasi uyu mwaka.

Biteganyijwe ko iyi kipe izahagaruka i Kigali yerekeza Addis Ababa kuri uyu wa Gatanu, tariki 1 Ugushyingo 2024.

Izi ngimbi z'u Rwanda zizakina umukino wa kabiri wo mu itsinda na Guinea tariki 3 Ugushyingo, zikurikizeho Zimbabwe ku munsi ukurikiyeho, mu gihe zizasoza zihura na Reunion tariki 6 Ugushyingo 2024.

Perezida w FERWAHAND

Photo: Perezida w'Ishyirahamwe rya Handball mu Rwanda, Twahirwa Alfred, ari kumwe n'abatoza b'ikipe y'igihugu y'abari munsi y'imyaka 20.

RWANDA U20HANDBALL TEAM

RWANDA HANDBALL TEAM