Rafael Nadal, ukomoka muri Spain, yasezeye burundu umukino wa Tennis nyuma y'imyaka 23 akina nk'uwabigize umwuga.

Uyu mukinnyi w'imyaka 38 azitabira irushanwa rye rya nyuma nk'umukinnyi mu Ugushyingo 2024, ubwo azaba ari guhatana mu irushanwa Davis Cup rizabera Malaga muri Spain.

Mu myaka ya vuba, Nadal yagiye ahura n'imvune zitandukanye zanamukomye mu nkokora muri iyi myaka ye ya nyuma nkuko yabigaragaje mu mashusho yashyize hanze atangaza ko asezeye kuri Tennis.

Ati: "Ukuri ni uko yari imyaka igoye, cyane cyane imyaka ibiri iheruka ndatekereza ntarashoboye gukina ntahuye n’imbogamizi."

Mu rugendo rwe nk'uwabigize umwuga, yatangiye mu 2001 ubwo yarafite imyaka 15, Nadal yegukanye Grand Slam 22, zirimo ibikombe 14 bya French Open.

Uyu mukinnyi, w'ikirangirire muri Tennis, kandi yamaze ibyumweru 209 ari we nimero ya mbere ku isi anasoza ari nimero ya mbere ku isi inshuro eshanu.